Make your laptop a Wi-Fi hotspot - Apne Laptop Ko Wi-Fi Hotspot Banaye - Technical Tricks Hindi

Latest

Wednesday, 27 December 2017

Make your laptop a Wi-Fi hotspot - Apne Laptop Ko Wi-Fi Hotspot Banaye

Make your laptop a Wi-Fi hotspot in Hindi : Namaskar dosto, aaj hum baat karenge ki kaise aap apne laptop ko wi-fi hotspot bana sakte hai. Dosto kayi baar kya hota hai ki hum aisi situation mein fass jaate hai jaise ki hamare paas network cable hota hai par wi-fi router nahi hota aur usi waqt kayi logo ko internet use karna hota hai. Toh aise mein aap sochte hai ki agar bina router ke hi aap internet ko baaki sab ke saath bhi share kar paaye toh kitna achha hoga. Vaise aisa ho sakta hai aur woh bhi badi hi aasani se, ab aap soch rahe honge ki aisa kaise ho sakta hai toh hum aapko batate hai, toh aaiye shuru karte hai...!!

Make your laptop a Wi-Fi hotspot


Aap apne laptop ya desktop ke internet connection ko wi-fi ke jariye hi dusre devices ke saath share kar sakte hai aur iska labh aapke saath saath baaki sab log bhi utha sakte hai. Jo Mac users hai woh toh badi hi aasani se internet share kar sakte hai kyunki MacOS X mein internet share karna bahut hi aasan hai. Lekin windows users ke liye yeh itna aasan nahi hai kyunki unhe setup karne mein thoda time lag sakta hai. Iske complicated setup process ke kaaran built-in option kabhi kabhi kaam nahi karta aur is vajah se iske setup mein time lag sakta hai.

Windows 7, 8 aur 8.1 par internet kaise share kare


Dosto kya hai ki vaise toh hum third party apps ka use karke wi-fi share kar sakte hai aur jyadatar yahi tarika behtar hota hai lekin PC ko wi-fi hotspot mein badalne vaale bahut se application abhi bhi market mein maujood hai agar aap inka use karna chahte hai toh aapko Microsoft ki website par jakar windows in-built sharing ke baare mein janna hoga. Lekin jyadatar yahi sujhav diya jaata hai ki aap third party applications ka use kare. Aur dosto aisa hi ek application hai Connectify jo ki ek bahut achha application hai aur hum aapko kehna chahenge ki aap bhi isi application ka use kare.

Dosto bahut saare popular applications hai jinka aap use kar sakte hai aur unke baare mein jaan sakte hai lekin kya hota hai ki agar aapke laptop ya PC mein antivirus hai toh antivirus kuch applications ko aapke System ke liye nuksandayak bata sakta hai aur kuch applications ko yeh bilkul sahi batata hai toh isse pata chalta hai ki sabhi application aapke system ke liye thik nahi hai toh jo application aapke system ke liye thik hai aap usi ko use kare. Hum aapko ek baat aur batana chahenge ki agar aapke system mein built in wi-fi ki suvidha hai yaani aapke system mein wi-fi hai toh aapko koi pareshani nahi hogi lekin agar aapke system mein wi-fi nahi hoga toh aapko ek wi-fi kharidna hoga jise aap apne USB port ke jariye connect kar paaye.

Khair ye toh humne aapko bataya ki aap kis tarah apne system ko wi-fi hotspot bana sakte hai aur ab aapko aage batayenge ki aap kaise setup kar sakte hai.

Apne System Ko Wi-Fi Hotspot Banane Ke Liye Kuch Steps


1. Sabse pehle toh aapko Google se Connectify app ko download karna hai aur ise apne system mein install karna hai.

2. Ab aapko apna system restart karna hai aur uske baad ise open karna hai.

3. Ab settings mein aap dekhenge "Create a..." yaani aapko wi-fi hotspot select karna hai.

4. Ab aapko "Internet to Share" drop down menu mein jaana hai aur isme aap us connection ko select kare jise aap share karna chahte hai.

5. Aap apne hotspot ka naam daale aur password daale aur start hotspot par click kare. Ab aapko jisme bhi wi-fi connect karna hai usme aap wi-fi on kare, aapke hotspot ka naam usme aa jayega usme password dalkar connect karle. Ab aap apne hotspot ko kisi aur devices se connect kar sakte hai.

Make your laptop a Wi-Fi hotspot


Dosto kya hota hai ki vaise toh yeh application bahut achha hai aur ise use karna bhi bahut aasan hai. Agar aapke paas iska paid version hai toh aapko koi pareshani nahi hogi lekin agar aap iska free version use kar rahe hai toh usse kya hota hai ki yeh kaam toh karega lekin kuch time ke baad yeh apne aap hi disconnect ho jaata hai aur aapko phir se hotspot ko connect karna padega.

[OS X Par Internet Share Kare]

1. Sabse pehle aapko system preference ko open karna hai uske baad Sharing mein jaana hai aur "Internet Sharing" select karna hai.

2. Ab aap right side mein "Share your connection from" drop down menu ko dekhenge aur usme aapko connection select karna hai jise aap share karna chahte hai.

3. Ab aap isi ke just niche dekhenge jahan likha hoga "To computers using", box mein aapko Wi-Fi select karna hai.

4. Ab aapko iske niche "Wi-Fi options" mein jaana hai, yahan aapko network select karna hai aur Security type password aur verified field mein password daalna hai. Aur uske baad aap apne channel ko default value par bhi chhod sakte hai, phir ok par click kare.

5. Ab aap dekhenge ki aapka connection active ho chuka hai aur aapko green icon dikhayi dega jisse pata chalta hai ki aap active hai.

Make your laptop a Wi-Fi hotspot


Toh dosto jaisa ki aap samajh hi gaye honge ki kaise aap laptop/PC ya Mac ko wi-fi hotspot bana sakte hai aur dusre devices mein connect kar sakte hai. Aisa karna koi jyada badi baat nahi hai yeh aap bahut hi aasani se kar sakte hai aur aapke saath baaki log bhi.

Tags : laptop hotspot windows 10 , wifi hotspot windows 7 , how to create wifi hotspot in windows 7  , wifi hotspot for windows 8 , virtual wifi hotspot , turn laptop into wifi hotspot , laptop hotspot windows 7

No comments:

Post a Comment