Apne Slow Smartphone Ko Banaye Superfast - In Hindi - Technical Tricks Hindi

Latest

Friday, 29 December 2017

Apne Slow Smartphone Ko Banaye Superfast - In Hindi

Apne Slow Smartphone Ko Banaye Superfast : Namaskar dosto, Aaj hum jis daur mein jee rahe hai is daur mein lagbhag sabhi smartphone use karte hai jaise-jaise waqt beet raha hai vaise-vaise smartphones ke users bhi badh rahe hai aur yeh kehna thik hi hoga ki smartphone har insaan ki jarurat ban chuka hai.

Smartphones ke hardware ki agar baat kare toh iski capacity din pe din badh rahi hai aur capacity ke badhne ka matlab hai ki aapke smartphone mein behatrin softwares hone chahiye kyunki technology badh rahi hai aur jab aap apne smartphone ko sahi dhang se use karenge tabhi veh aapka saath dega kyunki smartphones ki sabse badi problem yeh hai ki veh slow ho jaate hai aur har smartphone user isi problem se pareshan rehta hai. Smartphone jab naya naya hoga tab aapko usse koi problem nahi hoti veh achhi tarah se apna kaam karta hai par kuch time ke baad usme problems aane lagti hai jaise phone ka slow ho jaana ya phir hang ho jaana aisi aur bhi kayi problems ho sakti hai. Toh hum aaj aapko isi ke baare mein batayenge ki aap kaise apne smartphone ko hang hone se bacha sakte hai aur apne smartphone ko pehle se kayi jyada behatrin bana sakte hai.

Apne Slow Smartphone Ko Banaye Superfast


Hum aapko kuch tips batane jaa rahe hai jinke baare mein aap achhe se jaan le, toh aaiye shuru karte hai...!!

1. Third Party App Launcher Install Kare:


Jyadatar smartphones mein kya hota hai ki unka jo operating system hota hai veh customized hota hai. yaani aapke jo phone ka interface hota hai woh kaafi achha dikhta hai aur iske liye phone mein companies dwara banaye gaye launchers use hote hai aur iske saath kayi aur features bhi phone mein shaamil hote hai bahut se users ko yeh kaafi pasand aata hai lekin aapke smartphone ko slow karne ki yeh bhi ek vajah ho sakti hai. Isliye third party lauchers ka use kiya jaata hai jo aapke phone ko ek naya interface dete hai aur inse kahi hadh tak aapka phone slow nahi hota.

Also Read : Whatsapp Par Send Kiye Message Ko Recall Kaise Kare

2. Na Use Hone Wale Apps, Widgets Ko Hataye:


Smartphones mein jab bahut saare apps hote hai toh veh apps smartphone ko slow kar dete hai kyunki kya hota hai ki users apne smartphone mein bahut saare apps installed karke rakhte hai bhale hi veh unka use na kar rahe ho aur smartphone mein aise bhi apps hote hai jo uninstall nahi ho sakte toh unhe disable kiya jaa sakta hai. Agar phone mein sirf unhi apps ko rakha jaaye jinhe aap use karte hai toh yeh aapke smartphone ke liye hi achha hoga. Smartphone mein bahut saare widgets hote hai jinhe users apne phone ki home screen par laga kar rakhte hai lekin yeh bhi kahi na kahi aapke smartphone ko slow kar dete hai isliye home screen par jyada widgets na lagaye.

3. Non-Essential Background Process Ko Disable Kare, Syncing Apps Ko Check Kare:


Dosto kya hota hai ki jab hum apna smartphone use kar rahe hote hai toh us waqt bahut se apps background mein chal rahe hote hai aur kuch apps online sevices ke saath sync ho jaate hai jo aapke phone ko slow kar dete hai lekin yeh baat sabhi users nahi jante. Dosto agar aapko nahi pata ki hum kin apps ki baat kar rahe hai toh hum aapko batate hai. Aapko jyada kuch nahi karna hai bas aap Settings mein jaiye aur waha Apps mein jaiye aur itna karne ke baad jab aap Running apps mein jayenge toh waha par aapko itna check karna hai ki kya koi app background mein chal raha hai jinhe aap use nahi kar rahe ho toh unhe aap uninstall kar sakte hai aur jo app uninstall na ho use disable kar sakte hai. Dosto itna karne ke baad aapko yeh bhi check karna hoga ki kahi koi app background mein sync toh nahi ho raha aur agar aisa hai toh aap sync ko band kar sakte hai. Aap app ki settings mein jakar sync ko band kar sakte hai aur Data usage mein jakar Auto-sync data ko select kar sakte hai aur agar aapke phone mein yeh setting nahi hai toh aap Account>Google>User Profile mein jakar services ko band kar sakte hai. Dosto aap me se bahut se logo ne Advance Task Killer app ka naam suna hoga aur use bhi kiya hoga, is app ki madad se aap un app ko band kar sakte hai jo kaafi memory lete hai aur aapke phone ko slow karte hai.

4. Apps Ke Cache Ko Clear Kare:


Dosto smartphones mein aisi bahut si cheeje hoti hai jinka humen khaas dhyan rakhna padta hai aur jaise ki cache jo har app ke use ke saath saath badti rehti hai aur is vajah se hamara smartphone slow bhi ho sakta hai isliye humen cache ko clear karna padta hai ek baar aap app ki cache ko clear kar denge par phir jab aap app ko use karenge toh cache phir se bad jayegi, aap cache ko clear karne ke liye settings>apps mein jaate hai aur clear cache par click karte hai lekin aapko har ek app mein jakar cache ko clear karna padta hai par agar ek hi baar mein sabhi apps ki cache ko clear karna hai toh uske liye aapko third party apps ka us karna hoga jo ek hi baar mein sabhi used apps ki cache ko clear kar dega aisa hi ek app hai App Cache Cleaner jiska aap use kar sakte hai.

Also Read : Ek Phone Me 2 Whatsapp Kaise Chalaye

5. Animation Disable Kare:


Kya hota hai ki animation menu, app drowers kayi aur interface location mein graphical transition ke beech kaam karte hai. Jab bhi aap apna smartphone use kar rahe hote hai toh animation apna kaam kar rahe hote hai inka kaam sirf smartphone use karne ke anubhav ko behatarin banana hai lekin agar hamare smartphone ko isse koi problem hai toh inhe band kiya ja sakta hai aur usse hamare uses mein koi problem nahi hogi. Dosto iska tarika thoda mushkil hota hai kyunki yeh phone ki Settings mein Developers options mein maujood hota hai aur Developers options mein jaane ke liye aapko Settings mein jakar About Phone mein jaana hoga aur jab aap Build Number par 7 baar tap karenge toh yeh option aapko dikhayi dega aur phir aap animation ko band kar sakte hai lekin Developers options mein aur bhi bahut se options hote hai jinhe aap na chhede.

6. Built-In Storage Ko Clean Kare:


Built-In storage se matlab aapke phone ki internel memory se hai. Kya hota hai ki phone mein jitne bhi apps hote hai unki memory dheere dheere unke update hone ke saath saath badti rehti hai aur phone ka storage bhi dheere dheere full hone lagta hai jo aapke phone ko slow kar sakta hai aur aise mein humen phone mein space badane ki jarurat hoti hai. Space badane ke liye aap un apps ko delete karde jinka aap use nahi karte ya phir cache clear karte rahe jisse phone mein space bana rahe aur aap apne data ko jaise photos aur videos ko memory card mein move karte rahe. Aap apne apps ko bhi memory card mein move karde usse kya hoga ki aapke phone ka space kahi hadh tak free ho jayega.

Also Read : Whatsapp Broadcast Kya Hai

7. Firmware Update Kare:


Jis tarah apps ko update kiya jaata hai usi tarah phone ko bhi update karna padta hai. Phone ke liye bhi kuch updates aate rehte hai jaise iski performace ke liye aur iske optimization ke liye updates karna hota hai. Phone ko update karne ke liye Settings>About phone>System updates mein jaana padta hai lekin aap pehle yahan par yeh check karenge ki updates available hai ya nahi. Updates na hone par aap apne smartphone ko PC suite software se connect karke update check kar sakte hai jo manufacturer dwara diye gaye hai. Hum aapko ek aur baat kehna chahenge ki jab bhi aap apne smartphone ko update kare toh apni safety ke liye apne data ka backup bana le.

8. Phone Ko Root Kare Aur Usme Custom Rom Install Kare:


Android smartphone ko root karna aaj kal aam ho gaya hai kyunki yeh aapke smartphone ko kaafi jyada behtar bana deta hai aap root karne ke baad phone mein custom ROM install kar sakte hai jo ki firmware updates se kahi jyada behtar hai aur isse kaafi sapce bhi bachta hai. Vaise toh yeh ek normal suvidha hai jaise ki aapne apne smartphone mein koi app install kiya ho par root karna koi aasan baat nahi hai isse smartphone mein bahut se badlav toh aa jaate hai par iska natija kaafi bada hota hai kyunki aapke phone ka software badal jaata hai. Agar aapko apne smartphone ko root karna hai toh sabse pehle aap root ke baare mein achhe se jaan lijiye. Aapko internet par youtube par saari jankari mil jayegi. Phone ko root karna koi aasan kaam nahi hai isse aapke phone mein bahut kuch ho sakta hai jaise aapka data delete ho sakta hai aapka phone dead ho sakta hai aisi kayi problems ho sakti hai aur sabse jaruri baat isse aapke smartphone ki manufacturer warranty khatm ho jaati hai.

Toh dosto jaisa ki aap ab achhi tarah se samajh gaye honge ki apne smartphoneko kaise slow ya hang hone se bacha sakte hai, jitni bhi tips aapko batayi gayi hai ye sabhi tips aapke bahut kaam aa sakti hai jo aapke smartphone ko aur achha banane mein madad karengi.

Hum aasha karte hai ki aapko hamari yeh post jarur pasand aayi hogi toh ise apne dosto ke saath apne rishtedaaro ke saath jarur share kare...!!

Tags : mobile slow chale to kya kare , mobile ka speed kaise badhaye , phone fast kaise kare , android phone ko fast kaise kare hindi , phone ko fast kaise chalaye

No comments:

Post a Comment