What Is TrueCaller And How It Works - TrueCaller Kya Hai | Yeh Kaise Kaam Karta Hai - Technical Tricks Hindi

Latest

Wednesday, 27 December 2017

What Is TrueCaller And How It Works - TrueCaller Kya Hai | Yeh Kaise Kaam Karta Hai

Namaskar dosto, aaj hum baat karenge truecaller ke baare mein, truecaller ek bahut hi popular software hai jo humen unknown numbers ke baare mein jankari deta hai. Hum sabhi mobile phone use karte hai aur roj phone par ek dusre se baat karte hai. Hamare mobile phone par har tarah ke calls aate hai jinka number hamare mobile mein saved hota hai hum unka phone toh recieve kar lete hai lekin kayi baar kya hota hai ki hamare mobile par unknown numbers se calls aa jaate hai aur humen un numbers ke baare mein pata nahi hota toh aise mein hamari madad truecaller karta hai. Truecaller un unknown numbers ki detail humen deta hai aur humen bata hai ki yeh number kiska hai.

What Is TrueCaller And How It Works


Truecaller ek aisa application hai jo har android user ke phone mein hona chahiye. Dosto ye toh humen pata chal gaya hai ki truecaller ka kaam kya hai lekin yeh kaise kaam karta hai aur yeh hamare liye kyu jaruri hai iske baare mein hum aapko detail mein batayenge. Toh aaiye shuru karte hai...!!

Sabse pehle hum yeh janenge ki truecaller aakhir hai kya.

TrueCaller Kya Hai?


Truecaller ek aisi service hai jo kisi bhi mobile number ke baare mein humen batati hai aur veh number kiska hai, use kaun use kar raha hai, kaha ka number hai ye saari details truecaller ke jariye humen pata chal jaati hai. TrueCaller ka mobile application toh hai hi aur saath hi iski website bhi hai "www.truecaller.com" jahan par jakar aap kisi bhi number ke baare mein pata kar sakte hai.

TrueCaller se kya hota hai ki maan lijiye aapke mobile par kisi unknown number se call aaya aur aapke moblie mein truecaller ka application pehle se installed hai toh truecaller aapko us number ki details call aane par bata dega.

Toh dosto agar aapke mobile mein truecaller application install nahi hai toh aaj hi is application ko install kijiye aur iska labh uthaiye.

TrueCaller Kaam Kaise Karta Hai?


Dosto hum jante hai ki aapke mann mein ye sawal chal raha hoga ki truecaller kaise sabhi numbers ki details bata deta hai toh chaliye ab jante hai ki truecaller kaise kaam karta hai.

Dosto truecaller bilkul simple tarike se kaam karta hai aur humen numbers ki details deta hai. kya hota hai ki truecaller apne database mein number ko search karke us number ki detail humen batata hai toh aap khud hi andaza laga sakte hai ki truecaller kaise sabhi numbers ki details humen batata hai.

Ab baat aati hai ki truecaller kaise numbers ko search karke humen details deta hai.

1. Social Media: Truecaller kya karta hai ki number ko social media par search karta hai jaise Facebook, Twitter par aur agar us number se koi bhi account hota hai toh truecaller uski details humen bata deta hai.

2. TrueCaller App: Truecaller app se kya hota hai ki agar hum truecaller app use kar rahe hai toh hamara account truecaller par ban jaata hai aur hamari details truecaller ke paas chali jaati hai.

3. Contact Book: Iska matlab hota hai ki agar hum hamare mobile mein truecaller ka use kar rahe hai toh hamare mobile ke contacts ki details bhi truecaller ke paas chali jaati hai aur hamare contacts ki details bhi truecaller humen batata hai.

4. Direct Submit: Hum truecaller app mein direct bhi kisi number ko search kar sakte hai yaani agar hum truecaller mein kisi number ko direct search kare toh truecaller humen us number ki detail bata dega.

Toh dosto aap itna toh jaan hi gaye honge ki truecaller numbers ko kaise search karta hai aur kaise humen unknown numbers ke baare mein batata hai. Jaise hum kisi unknown number ke baare mein pata laga sakte hai vaise hi hamare number ke baare mein bhi kisi aur ke dwara pata lagaya ja sakta hai.

Note: TrueCaller ka kisi bhi Telecom company se koi sambhandh nahi hai yeh bilkul legal hai.

Dosto hota hai kya hai ki truecaller mein koi naam aata hai ya phir hamara naam kisi dusre ke mobile ke truecaller mein aata hai toh jo naam aata hai veh alag alag mobiles mein alag alag ho sakta hai. Maan lijiye ki kisi ka number aapne Aman Bro ke naam se save kiya hai aur kisi aur ne wahi number Aman Bhaiya ke naam se save kiya hai toh us number ko agar koi truecaller par search karenge toh kisi ko Aman Bro naam dikhega toh kisi ko Aman Bhaiya naam dikhega. Lekin aapko idea ho jaata hai ki yeh number kisi Aman ka hai toh is tarah se truecaller par naam aata hai.

[TrueCaller Se Apni Privacy Ko Kaise Hataye]


Toh dosto ab hum truecaller par privacy ki baat karenge. Agar humen apne number ki details truecaller se hatani hai toh uske liye aapko truecaller se apna number remove karna hoga. Aur yeh badi aasani se kar sakte hai.

TrueCaller Se Apna Number Kaise Remove Karte Hai?


Agar aap truecaller se apna number remove karna chahte hai toh uske liye aapko apna number truecaller ke Unlist mein submit karna hoga lekin agar aapne apna number truecaller par registered kiya hai toh aapko apna truecaller account deactivate karna hoga.

TrueCaller Account Deactivate Kaise Karte Hai/


Process For Android:


1. Apne mobile mein truecaller app open kijiye.
2. Upar left corner mein 3 lines par click kare.
3. Ab Settings mein jaaye.
4. About mein jaaye.
5. Ab sabse last mein Deactivate account par click karde.

Process For iPhone:


1. Apne mobile mein truecaller app open kijiye.
2. Upar right corner mein gear icon par click kare.
3. About truecaller mein jaaye.
4. Scroll down kare.
5. Deactivate Truecaller par click karde.

Jab aapka account deactivate ho jaaye toh uske baad apna number truecaller ke unlist mein submit kare yaad rakhe ki aapka number unlist mein subimt hone ke baad aapki details hat jaane mein 24 hours lag sakte hai aur uske baad aapka number ki details truecaller par nahi dikhegi.

Truecaller Unlist Kaise Karte Hai?


1. Sabse pehle aapko truecaller ki website ke unlist page par jaana hoga.
2. Ab aapko apna number enter karna hai.
3. Phir aako I am not a Robot par click karna hai.
4. Last mein aapko Unlist Phone Number par click karna hai.
5. Ab aapke samne ek new window open hogi jisme aapko confirmation deni hai aur fir Unlist Phone Number par click karna hai.
6. Ab aapko bataya jayega ki aapka number 24 hours ke andar delete ho jayega.

Toh dosto jaisa ki aap samajh hi gaye honge ki truecaller kya hai yeh kaise kaam karta hai aur kis tarah se aap iske jariye kisi bhi number ka pata laga sakte hai.

Hum aasha karte hai ki aapko hamari yeh post jarur pasand aayi hogi toh ise apne dosto ke saath rishtedaaro ke saath jarur share kare...!!

Tags : truecaller kaise chalaye , truecaller kaise chalate hai , truecaller information in hindi , truecaller hindi mai , truecaller number search for pc , truecaller number search with address , last seen in truecaller meaning , on a call meaning in hindi

No comments:

Post a Comment