14 Most Useful Apps For Whatsapp - Hindi - Technical Tricks Hindi

Latest

Thursday, 25 January 2018

14 Most Useful Apps For Whatsapp - Hindi

Most Useful Apps For Whatsapp In Hindi : Namaskar dosto, aaj ki is post mein aapka swagat hai. Aaj hum aapko kuch applications ke baare mein batayenge jo whatsapp ke liye jaruri maani jaati hai. Whatsapp ke baare mein hum pehle bhi baat kar chuke hai aur iske baare mein kaafi kuch jaan chuke hai aur whatsapp toh sabhi use karte hai jo log chat mein baatein karte hai woh log toh iska use karte hi hai kyunki yeh chat ke liye sabse jyada popular aur sabse jyada use kiya jaane waala app hai lekin agar whatsapp use karne ke anubhav ko aur bhi jyada behtar banaya jaaye toh isme koi burai nahi hogi toh isliye aaj hum jin apps ke baare mein aapko batayenge un apps ko use karne ke baad aapko whatsapp use karne mein aur bhi jyada maja aayega. Aise kayi saare third party apps hai jinka use karke aap apne whatsapp ke anubhav ko aur bhi jyada behtar bana sakte hai. Toh aaiye shuru karte hai...!!

Most Useful Apps For Whatsapp


Useful Applications For Whatsapp - Most Useful Apps For Whatsapp

Also Read : Whatsapp par 1GB se zada ki file kaise send kare?

1. Siftr Magic Cleaner


Is app ka yeh fayda hai ki aap iski madad se duplicate images ko delete kar sakte hai. Whatsapp par sabhi ek dusre ko bahut saari files send karte hai jinme images bhi hoti hai toh kayi baar ek hi image kaafi log send kar dete hai ya phir maan lijiye aapka koi whatsapp group hai toh group mein kaafi log ek hi image send kar dete hai aur aisa kayi baar hota hai toh "Siftr Magic Cleaner" ki madad se aap duplicate image ko delete kar sakte hai.

2. Notifly


Aapne notice kiya hoga ki jab facebook messenger mein notification aati hai toh jiska message aata hai uske naam ka screen par ek circle bubble aata hai aap us bubble par touch karte hai aur wahi se uska reply kar dete hai. Aise hi agar aap chahte hai ki whatsapp mein bhi isi tarah notification aaye toh aap "Notifly" app ka use kar sakte hai.

3. Disa


Disa ek aisa app hai jo aapke ek hi user ke messages chahe veh facebook ka message ho, whatsapp ka message ho ya SMS ho, agar aap us user se baat kar rahe hai toh un messages ko ek hi jagah "Disa" app mein dekh sakte hai.

Also Read : Whatsapp Account Ko Hack Kaise Kare?

4. Lock For Whats Messenger


Bahut saare log jo whatsapp use karte hai toh veh chahte hai ki unke whatsapp ki ek privacy ho yaani unke whatsapp ke messages koi bhi na padhe toh aise mein aap is app ka yaani "Lock For Whats Messenger" ka use kar sakte hai. Isse aap apne whatsapp mein lock laga sakte hai aur baaki apps mein bhi lock laga sakte hai. Itna hi nahi aap apps ke icons bhi badal sakte hai taaki koi bhi yeh na jaan paaye ki yeh app kaun sa hai.

5. Emojidom


Yeh aap khaas emojis ke liye hai. Whatsapp mein bahut saare emojis hote hai jisse aapko whatsapp use karne mein aur bhi maja aata hai lekin aap aur bhi jyada emojis ke liye apne whatsapp ke anubhav ko aur jyada behtar banane ke liye is app ka use kar sakte hai.

6. CropShop


Yeh aap crop ka kaam karta hai jaise ki kya hota hai ki jo aap whatsapp par profile picture lagate hai uske liye aapko square image ki jarurat padti hai lekin aisa jaruri nahi hai ki aapke paas saari images square mein ho toh aise mein aap "CropShop" app ka use kar sakte hai is app ki madad se aap image ko crop kar sakte hai jisse ki image aapki whatsapp profile picture ke liye fit ho jayegi aur phir aap use apni profile picture par laga sakte hai.

7. SQEDit Scheduling App


Yeh aap aapke whatsapp ke anubhav ko aur bhi jyada behtar bana dega. Is app ki madad se aap kisi ko ek fix time par message send kar sakte hai. Jaise ki maan lijiye aapko kisi ko koi message send karna hai aur aap chahte hai ki mein yeh message usko is waqt par send karunga toh aap message type kare aur timer set karle jis time par aapko message send karna hai aur woh message aapke set kiye hue time par send ho jayega.

8. Primo


Yeh app aapko ek naya whatsapp account banane mein aapki madad karta hai. Agar aap kisi ko apna whatsapp number nahi dete hai toh aise mein aap is app ka use kar sakte hai. Is app mein kya hota hai ki agar aap ek naya whatsapp account banana chahte hai toh aapko ek US ka number diya jayega jisse aap ek new whatsapp account bana sakte hai.

9. Click2Chat WhatsApp


Maan lijiye aapko kisi ko whatsapp par ek message send karna hai lekin veh number aapke paas save nahi hai lekin whatsapp mein aap message tabhi send kar sakte hai jab number aapke paas save ho. Lekin "Click2Chat WhatsApp" ek aisa app hai jiski madad se aap whatsapp par kisi ko bina number save kiye hue bhi message send kar sakte hai.

10. MaskChat


Yeh app aapke whatsapp messages mein ek parde ki tarah kaam karta hai. Kayi baar aap aisi jagah par hote hai jahan par aapke alawa aur bhi log hote hai jaise ki maan lijiye aap kahi bahar hai ya phir bus mein ya metro mein hai toh us waqt jab aap chat karte hai toh aapke agal bagal waale log aapke messages padh lete hai aur maan lijiye agar aap kuch private baat kar rahe hai toh aise mein aap nahi chahenge ki koi bhi aapke messages padhe toh aise mein aap "MaskChat" app ka use kare yeh aap aapki screen ke upar waale sabhi messages ko hide kar dega.

11. Stealth Audio Player


Kayi baar kya hota hai ki whatsapp par aapko koi audio message send kar deta hai aur audio message mein kya hai woh sunne ke liye aapko audio ko play karna hota hai agar aap akele hai toh koi problem nahi hai lekin aisa jaruri nahi hota ki aap hamesha akele ho aur aise mein aap audio ko play bhi nahi kar paate kyunki audio mein kuch bhi ho sakta hai aur agar aapko audio play karna hai toh aap headphone ka use karte hai lekin maan lijiye ki agar aapke paas us waqt headphone bhi nahi hai toh aap "Stealth Audio Player" app ka use kare. Yeh aap kya karta hai ki jab bhi aapko koi audio message send karega toh veh audio mobile speaker ki jagah ke badle call speaker par play hoga.

12. WhatReply


Yeh app tab kaam aata hai jab aap busy hote hai. Maan lijiye ki aap kisi kaam mein jyada busy hai aapke paas whatsapp use karne ka waqt nahi hai toh aise mein aap "WhatReply" app ka use kar sakte hai. Is app ki madad se automatic message send ho jaata hai agar aapko koi message kar raha hai toh aapne is app mein jo bhi message set kiya hai veh message use automatic send ho jayega jo aapko message kar raha hai. Yaad rakhiye is app ko use karne ke liye aapke mobile ka rooted hona jaruri hai.


13. Parallel Space


Is app ki madad se aap ek hi mobile mein 2 whatsapp use kar sakte hai. Sirf whatsapp hi nahi balki aap koi aur app bhi 2 baar use kar sakte hai. Sabse pehle aap "Parallel Space" app ko download kare aur phir is app se kisi dusre app ko copy kare aur phir 2 app ek saath ek hi mobile mein use kare.

14. WhatScan


Yeh aap ek tarah se hacking ka kaam karta hai. Is app se aap kisi dusre ke whatsapp ke messages ko apne hi mobile mein dekh sakte hai yahan tak ki aap message send bhi kar sakte hai. Lekin iska galat use bhi ho sakta hai bahut se log agar chahe toh iska galat use kar sakte hai. Ise Web Hack kaha jaata hai.

Toh dosto yeh the kuch behatreen apps jo aapke whatsapp ke anubhav ko aur bhi jyada behtar banate hai aur ab aap samajh hi gaye honge ki kaun sa app kaise use hota hai. Aap bhi in apps ko download kijiye aur apne whatsapp ke anubhav ko aur bhi jyada behtar banaiye.

Hum aasha karte hai ki aapko hamari yeh post jarur pasand aayi hogi toh ise apne dosto ke saath apne rishtedaaro ke saath jarur share kare...!!


Tags : whatsapp add on apps, whatsapp add ons android, whatsapp third party api, whatsapp cheats codes, whatsapp 3rd party apps, whatsapp third party download, whatsapp plugins, whatsapp helper app

No comments:

Post a Comment