How to Increase Youtube Subscriber - Youtube Subscriber Kaise Badhaye - Technical Tricks Hindi

Latest

Friday, 12 January 2018

How to Increase Youtube Subscriber - Youtube Subscriber Kaise Badhaye

How to Increase Youtube Subscriber in Hindi : Namaskar dosto, aaj ki is post mein aapka swagat hai. Aaj hum aapko batayenge ki kaise aap apne youtube channel par subscribers bada sakte hai. Agar aapne apna youtube channel shuru kiya hai ya phir shuru karne ki soch rahe hai toh is post ko aakhir tak jarur dekhe aapko isme kaafi maja aayega. Dosto aaj kal bahut saare log hai jo apna youtube channel banakar paise kamana chahte hai lekin youtube channel ke jariye paise kamana itna aasan nahi hai uske liye aapko kaafi mehnat karni padti hai apni video ko sahi dhang se edit karke apne channel par upload karte hai aur phir ye video logo ko pasand aayegi ya nahi is baat ki tension rehti hai aapke channel ko kitne log subcriber karenge is baat ki bhi tension rehti hai toh aisi kayi tensions hoti hai lekin hum aapko aaj kuch aise tips ke baare mein batayenge jinse aapko aapke channel ke subscribers badane mein madad milegi. Toh aaiye shuru karte hai...!!

Increase Youtube Subscriber


Ek youtube channel ke liye sabse jyada jaruri hai ki channel ko jyada se jyada log subscribe kare kyunki subscribers hi aapke channel ko aage badne mein madad karte hai. Subscribers jab jyada honge tabhi aapki videos ko jyada se jyada log dekhenge yaani aapki videos ke views badenge. Toh yeh sabse jyada jaruri hai ki apne channel ke subscribers ko badaye.

Youtube Channel Ke Subscribers Badaye

Tip 1. Apne Channel Ki Videos Ka Meta Data Sahi Dhang Se Daale:

Jo sabse pehli tip hai woh ye hai ki aap apni videos ka Meta Data sahi dhang se daale yaani aapke channel ki videos ka Title, Description, Thumbnail aur Tags (keywords) bilkul sahi dhang se hone chahiye. Apni video ka title kuch aisa de jo logo ko pasand aaye video ka thumbnail aisa de ki log dekhte hi aapki video ko play kare aur saath hi saath aapke channel ki aur bhi videos dekhe aur aapke channel ko subscribe kare.

Tip 2. Apne Channel Ka Ek Chhota Sa Trailer Banaye:

Dusri tip ye hai ki aap apne channel ka ek chhota sa trailer banaye aap us trailer mein bataye ki aapke channel ka purpose kya hai yaani aap apne channel par kis tarah ki videos daalte hai. Apne channel ka content kuch aisa banaye jo logo ko pasand aaye aur soche ki log kya pasand karte hai aur unhe kyu aapke channel ko subscribe karna chahiye. Channel ko log tabhi subscribe karenge jab unhe aapki videos bahut pasand aayengi aur itna hi nahi veh aur logo ko bhi aapke channel ke baare mein batayenge.

Tip 3. Apne Channel Ka Analytics Check Kare:

Teesri Tip ye hai ki aap apne channel ke Analytics ko check kare. Jab aap channel ki Settings mein jayenge toh aapko waha ek Analytics naam ka option milta hai. aap yaha ye check kar sakte hai ki aapki videos mein logo ko kitna interest hai yaani aapki videos kitne log dekh rahe hai kaha se dekh rahe hai unka videos mein kitna interest hai. Aapki video jab koi search karta hai toh kis tag ke search se aapki video aati hai aur log use dekhte hai. In sab jaankari se kya hota hai ki aapko yeh pata lag jaata hai ki aapki videos ko log kitna pasand kar rahe hai kis tarah ki videos logo ko pasand aati hai aur aapki videos ko veh log kitna dekhte hai kitni der tak dekhte hai aisi kayi jaankari aapko mil jaati hai toh aise mein aapko ye sab janne ke baad apni aur aage aane waali videos ke liye idea mil jaata hai.

Tip 4. Video Ke End Mein Subscribe Ke Liye Appeal Kare:

Dosto aapne dekha hoga ki bahut saari videos ke end mein channel ko subscribe karne ke liye bola jaata hai aur aisa isliye kyunki jo video dekh raha hai aur use woh video pasand aati hai toh veh us channel ko subscribe kare taaki use aur bhi aisi videos dekhne ko milti rahe aur jyadatar log isi tarah channel ko subscribe karte hai. Toh aap bhi apne channel ki videos ke end mein logo se appeal kare yaani unhe apne channel ko subscribe karne ke liye kahe.

Tip 5. Copy Na Kare:

Kabhi bhi aap kisi ki bhi copy na kare copy se hamara matlab hai ki aap kisi aur ke content ko apni videos mein na daale kyunki kya hota hai ki aise mein kayi viewers jinhone aapke channel ko subscribe kiya hua hai veh aapke channel ko unsubscribe kar dete hai toh dhyan rahe ki aap copy na kare apna content khud se hi tayar kare aur aisa tabhi ho sakta hai jab aapke andar is kaam ko karne ka pura junoon ho aur sabse jyada jaruri hai ki aapko content ke liye kaafi jyada sochna bhi padta hai toh iske liye aapke andar dedication hona bahut jaruri hai.

Also Read : Mobile Se Video Editing Kaise Karte Hai

Tip 6. Similar Youtubers Ke Saath Milkar Partnership Kare:

Toh sabse last tip ye hai ki aap kuch similar youtubers ke saath mein milkar kaam kare. Aap apne channel par jis tarah ke content upload karte hai aise hi content waale aur bhi channel aapko youtube par mil jayenge jo shayad aapke channel se bhi jyada famous honge. Aap unke saath milkar kaam karne ke liye unse kahe ki aap unke saath milkar ek video banana chahte hai jaruri nahi hai ki veh aapki baat maan le lekin agar usko aapka channel pasand aaya toh shayad veh maan bhi sakta hai. Ya phir aap ek video banakar use send kar dijiye aur us video mein apne channel ko promote kijiye. Isse ek bada fayda yeh hota hai ki aapki video ko us channel ke subscribers bhi dekhenge.

Toh dosto yeh thi 6 tips jo aapko aapke channel ke subscribers ko badane mein madad karengi. Toh aap achhi tarah se samajh hi gaye honge ki kaise aap apne youtube channel ke subscribers ko bada sakte hai. Isse aapko kaafi madad milegi toh in tips ka jarur labh uthaye.

Hum aasha karte hai ki aapko hamari yeh post jarur pasand aayi hogi toh ise apne dosto ke saath apne rishtedaaro ke saath jarur share kare...!!

Tags : youtube channel per subscriber kaise badhaye , youtube par views kaise badhaye , youtube par views kaise badhaye in hindi , subscriberz.com free , video viral kaise kare hindi , youtube seo kaise kare , video ko viral kaise kare,  Increase Youtube Subscriber in hindi, Youtube Subscriber Kaise Badhaye

No comments:

Post a Comment