Mobile internet Data Ko Computer Par Kaise Istemaal Kare - Technical Tricks Hindi

Latest

Friday, 5 January 2018

Mobile internet Data Ko Computer Par Kaise Istemaal Kare

Mobile internet Data Ko Computer Par Kaise Istemaal Kare : Namaskar dosto, aaj hum baat karenge ki kaise aap apne mobile data ko apne Computer ya Laptop mein use kar sakte hai. Jaisa ki aap jante hai ki aaj kal 4G ka jamana hai aur jab se reliance ne jio launch kiya hai tab se sabhi companies ne data charges saste kar diye hai. Ab aise mein aap mobile data jitna marji use kar sakte hai. Hum baat kar rahe the ki kaise aap apne mobile data ko apne computer ya laptop mein use kar sakte hai. Normally jab log computer ya laptop use karte hai toh unhe internet use karne ke liye wi-fi ya dongle ka use karna padta hai aur jyadatar log aisa hi karte hai lekin kabhi kabhi kya hota hai ki aapke paas wi-fi ya dongle jaisi suvidha nahi hoti toh aise mein aap sochte hai ki kaise aap apne computer mein ya laptop mein internet use kar sakte hai. Is baare mein aapko jyada sochne ki jarurat nahi hai kyunki aap apne mobile data ke jariye apne computer mein ya laptop mein internet use kar sakte hai. Aaj kal sabhi ke paas android mobile hai aur jo laptop ya computer use karte hai unke paas toh andriod mobile hona koi badi baat nahi hai. Aur aap usi android mobile ke jariye apne computer mein ya laptop mein internet use kar sakte hai. Ye koi bahut mushkil kaam nahi hai bahut hi aasani se aap aisa kar sakte hai. Hum aapko iske baare mein achhi tarah se batayenge bas aap dhyan se aakhir tak is post ko padhte rahiye. Toh aaiye shuru karte hai...!!

How to use mobile data on computer


Mobile Data Ko Computer Par Kaise Use Kare

Mobile Data Apne PC Par Kaise Use Kare


Hum aapko ek baat batana chahenge ki aapke paas jo android mobile hai uska android version 6.0 hona chahiye yaani marshmallow hona chahiye kyunki jyadatar chances unhi ke phones ke hai jinka andriod version 6.0 hai lekin isse kam version waale bhi ise try kar ke jarur dekhe.

# Desktop PC Users Ke Liye:

Jo log desktop yaani computer use karte hai toh veh log ise dhyan se dekhe, unhe internet connect karne ke liye data cable ka use karna hoga bina data cable ke connect nahi hoga. Ab aapko kuch steps follow karne hai.

1. Aap apne mobile se computer mein data cable ko connect karle. Ab aap apne mobile ki Settings mein jaaye aur check kare ki aapke mobile mein USB debugging on hai ya nahi hai agar hai toh thik hai agar nahi hai toh aapko "Developer options" mein jakar usse on karna hoga. agar aapke mobile mein developer options nahi aa raha hai toh aap "About phone" mein jaaye aur Build number par 7 baar tap kare aapko developer options dikhne lagega.

Also Read : Apne smartphone ko banaye superfast

2. Itna karne ke baad aapko "Wireless & Network" settings mein aana hai aur USB tethering ko on karna hai. Alag alag mobiles mein yeh option alag alag tarah se aata hai kisi kisi mein "More" ke naam se aata hai toh aap dhyan se check kar le.

Mobile Net computer par use kare


3. Ab USB tethering option par click kare aur apne mobile data ko on karle, aapko thoda sa intezaar karna hoga uske baad aap apne computer mein apne mobile data ke jariye internet use kar sakte hai.

Mobile internet pc par kaise chalaye


# Laptop Users Ke Liye:

Abhi jo humne aapko bataya veh computer mein mobile data connect karne ke baare mein tha agar aap Laptop user hai toh aap apne laptop mein badi hi aasani se bina data cable ke internet use kar sakte hai kyunki laptop ke andar Wi-Fi hota hai toh isse aap aasani se apne mobile hotspot ke jariye laptop par internet use kar sakte hai bas aapko kuch simple steps follow karne hai.

1. Aapko apne mobile mein Settings mein jaana hai aur hotspot ko on karna hai.

mobile data laptop par use kare


2. Aapko Portable Wi Fi hotspot ko on karna hai uske baad Set up Wi Fi hotspot mein jaana hai aap yahan apne hotspot ka password set kar sakte hai aur hotspot ka rename bhi set kar sakte hai. Kisi kisi mobile mein yeh option Settings ke andar "More" mein hota hai.

mobile data laptop par kaise use kare


3. Ab aap apne laptop mein Wi-Fi on karle aur apne hotspot ka naam search kare aapke hotspot par password hai toh password daal de nahi toh connect karde.

Dosto yeh tarika laptop users waalo ke liye hai kyunki laptop ke andar Wi-Fi suvidha hoti hai.

Toh aap sab achhi tarah se samajh hi gaye honge ki kaise aap apne computer mein ya laptop mein mobile data ko use kar sakte hai. Humne upar computer ke liye aur laptop ke liye, dono ke liye tarika bata diya hai taaki aapko internet connect karne mein koi pareshaani na ho.

Hum aasha karte hai ki aapko hamari yeh post jarur pasand aayi hogi toh ise apne dosto ke saath apne rishtedaaro ke saath jarur share kare...!!

Tags : mobile ko computer se kaise connect kare , computer me wifi kaise connect kare , window xp me net kaise chalaye , computer me wifi kaise chalaye , computer me internet kaise chalaye , mobile se laptop me wifi kaise connect kare , how to use mobile internet on pc via usb cable , computer me wifi kaise download kare

No comments:

Post a Comment