Online Paise Kamane Ke Asaan Tareeke - Hindi - Technical Tricks Hindi

Latest

Wednesday, 10 January 2018

Online Paise Kamane Ke Asaan Tareeke - Hindi

Online Paise Kamane Ke Asaan Tareeke : Namaskar dosto, aaj ki is post mein aap sabhi ka swagat hai. Aaj hum baat karenge ki kaise aap internet ki madad se ghar baithe paise kama sakte hai. Aaj kal kaafi kuch badal chuka hai internet ki madad se log na jaane kya kya kar rahe hai. Pehle humen jin kaamo ko karne ke liye khud jaana padta tha ab veh kaam hum ghar baithkar internet ke jariye kar sakte hai. Hum internet se online shopping kar sakte hai, kisi bhi tarah ki payment kar sakte hai, mobile recharge kar sakte hai, bills bhar sakte hai, movies ya cricket matches ki tickets book kar sakte hai Kitni saari aisi websites hai jinke jariye hum apni jarurat ke sabhi kaam kar sakte hai jo hum chahte hai veh hum ghar baithe kar sakte hai. Ye toh aapko pata chal hi gaya hoga ki internet ke kitne saare fayde hai lekin internet ka ek aur sabse badiya fayda yeh hai ki aap internet ke jariye ghar baithe onilne paise kama sakte hai. Dosto aise bahut saare tarike hai jinke dwara aap internet ke jariye paise kama sakte hai. Hum isi ke baare mein aaj aapko batayege ki kaise aap internet ke jariye paise kama sakte hai. Toh aaiye shuru karte hai...!!

Online Paise Kamane Ke Asaan Tareeke


Dosto kuch sawaal hai pehle unke baare mein jaan lete hai:


Question 1. Kya internet se paise kamaye jaa sakte hai aur isme koi risk toh nahi hai?

Answer. Yeh sawaal bilkul lajmi hai kyunki har kisi ko is par bharosa nahi hota. Khair hum aapko yeh batana chahenge ki internet se paise bilkul kamaye jaa sakte hai isme koi risk nahi hota bas ek baat dhyan rakhe ki internet se paise kamane ke kuch tarike hai lekin bahut saari fake websites hai jo logo ko dhokhe mein daal deti hai isliye aapko un tariko ke baare mein pata hona chahiye jin tariko se internet ke jariye paise kamaye jaa sakte hai.

Question 2. Kya internet se paise kamane ke liye kisi tarah ki degree hona jaruri hai?

Answer. Yeh bhi janna behad jaruri hai ki internet ke jariye paise kamane ke liye kisi tarah ki degree hona jaruri hai ya nahi hai. Dosto hum aapko bata de ki aisa bilkul nahi hai ki aapko internet se paise kamane ke liye kisi tarah ki degree ki jarurat ho.

Question 3. Internet ke jariye kitne paise kamaye jaa sakte hai?

Answer. Dosto hota kya hai ki bahut saare log yeh sochte hai ki internet se kitna paisa kamaya jaa sakta hai kya iski koi limit hai. Hum aapko bata de ki internet se jitna chahe utna paisa kamaya jaa sakta hai iski koi limit nahi hoti kyunki internet par paise kamana koi naukri nahi hai yeh ek business ki tarah hai jisme jitna chahe utna paisa kamaya jaa sakta hai. Bahut saare log hai jo internet ke jariye lakho kama rahe hai aur kuch toh isse bhi jyada kama rahe hai. Bas aapko tariko ke baare mein pata hona chahiye aapko kis topic mein interest hai aapke andar talent hona chahiye kuch karne ka tabhi aap shuruaat kar sakte hai.

Question 4. Kya mobile phone ke jariye bhi paise kamaye jaa sakte hai ya phir computer ka hona jaruri hai?

Answer. Dekhiye dosto hum ye toh nahi kahenge ki aap mobile phone ke jariye paise nahi kama sakte hai lekin agar aapke paas computer hai toh aap computer ke jariye jitna paisa kama sakte hai utna aap mobile phone se nahi kama payenge iske liye aapko kaafi mehnat karni padegi aur aap utni jyada income bhi nahi kar payenge. Isliye computer ka hona jaruri hi hai kyunki isse aapko hi jyada fayda hoga lekin bahut saare log aise bhi hai jinke paas computer nahi hai toh aise mein veh log cyber cafe jaa sakte hai lekin cyber cafe mein jakar kaam karne ke liye unhe paise dene padenge jisse unki income kam ho jayegi isliye agar computer hoga toh usse kaafi aasani hoti hai.

Internet Se Paise Kamane Ki Shuruaat Kahan Se Kare

Also Read : Facebook Se $10 - $20 Roz Kaise Kamaye

Internet se paise kamane ke bahut saare tarike hai lekin sabhi tariko ke baare mein har koi nahi jaanta hai. Hum aap un do tariko ke baare mein batate hai jinke jariye aap shuruaat kar sakte hai.

# Youtube
# Blogging

Dosto hum aapko batana chahenge ki in do tariko se bahut saare log ya yun kehle ki jyadatar log inhi ke jariye internet se paise kama rahe hai. Youtube aur Blogging ke baare mein toh sabhi jaante hai lekin inke jariye paise kaise kamate hai yeh hum aapko batayenge.

Sabse pehle toh ek baat janna bahut jaruri hai ki aap apne interest ke anusaar hi apni shuruaat kare kyunki agar aapka interest hoga tabhi aap internet par kaam kar sakte hai aur tabhi aapko kaam karne mein maja bhi aayega.

# Singing/Acting
# Technology
# Tips & Tricks
# Comedy
# Products Review
# Cooking
# Sports
# Education

Ye kuch topics hai jin par aap shuruaat kar sakte hai aap inme se kisi ke bhi upar apna youtube channel bana sakte hai aur jaisa ki humne pehle bhi kaha hai ki aap apne interest ke anusaar hi shuruaat kare aur agar aise hi kisi topic mein aapka interest hai aur aapke andar talent hai toh aap jald hi shuruaat kar sakte hai. Dosto hum aapko ek baat aur batana chahenge ki aap jab iski shuruaat kare toh aap yeh achhi tarah se jaan le ki aapko ispar lagataar kaam karna hoga tabhi aap dheere dheere success ki aur badenge lekin iske liye aapko intezaar karna hoga kyunki aap yeh achhi tarah se samajh sakte hai ki success pana koi aasan baat nahi hai kisi ko jaldi milti hai toh kisi ko samay bhi lagta hai par aap haar na maane bas apna kaam karte rahe.

Blogger Se Kaise Paise Kamaye


Blogger bhi internet ke jariye paise kamane ka ek bahut achha tarika hai iske jariye bhi aap income kar sakte hai. Sabse pehle aap apna ek blog bana le aap Blogger.com par jakar apna blog bana sakte hai. Aapko apne blog par posts upload karni hai. Post is tarah se honi chahiye jo logo ko pasand aaye. Apni ek post se dusri post ko link kare, post mein image bhi daale yaad rahe ki 1 image 1000 shabdo ke barabar hoti hai. Apne blog mein template upload kare aur widgets bhi add kare. Blog ko achhi tarah se design kare. Blog ke traffic ko badane ke liye Facebook page banaye, Twitter par bhi banaye aur Google+ par bhi banaye aur inke widgets apni blog par bhi add kare. Hum aapko bata de ki aapka blog search mein aane ke liye blog SEO bhi jaruri hai. Aapko apni blog ke posts mein "Meta Description" bhi add karna hai. Meta tags ko bhi add karna hai. Google mein site map ko bhi add kare. HTML site map ko bhi add kare. Dosto ye sab aapko apne blog ko chalane ke liye karna hai jisse ki aapka blog jyada se jyada log dekhe.

Also Read : Blog Ya Website Se Paise Kaise Kamaye

Dosto ab yeh jaanenge ki aap blog ke jariye paise kaise kama sakte hai:

Ab maan lijiye aapka blog puri tarah se ban chuka hai aapne kaam karna shuru kar diya hai toh ab aapko karna kya hai ki adsense par apna account open karna hai lekin dosto adsense par apna account approve karvana koi aasan kaam nahi hai adsense ke jo rules hai veh kaafi mushkil hai isliye har kisi ka account is par approve nahi ho paata hai. Chaliye maan lijiye account approve ho gaya toh aap uske ads ko apne blog mein laga sakte hai usse aapki income hogi. Lekin jaisa ki humne aapko batay hai ki Adsense par sabhi ka account approve nahi ho paata toh aise mein aap Bidvertiser ka use kar sakte hai yeh bhi adsense ki tarah hai par is par income thodi kam hogi aur aapka account bhi approve ho jayega lekin aap pehle Adsense par account approve karne ki koshish kare agar approve ho jaaye toh isme aapka hi fayda hai.

Toh dosto jaisa ki aap samajh hi gaye honge ki kaise aap internet ke jariye ghar baithe paise kama sakte hai. Humne aapko is post mein kaafi saari jaankari di hai jisse ki aapko internet se paise kamane mein kaafi madad milegi toh is post ka jarur labh uthaye.

Hum aasha karte hai ki aapko hamari yeh post jarur pasand aayi hogi toh ise apne dosto ke saath apne rishtedaaro ke saath jarur share kare...!!

Tags : paise kamane ke tarike in hindi , ghar baithe job karo , ghar baithe typing job , online paisa kamane ki website , ghar baithe paisa kamao free , paisa kamane wala apps , ghar baithe job data entry , ghar baithe business in hindi

No comments:

Post a Comment