TrueCaller Se Aap Apne Number Aur Naam Ko Kaise Hataye - Technical Tricks Hindi

Latest

Monday, 1 January 2018

TrueCaller Se Aap Apne Number Aur Naam Ko Kaise Hataye

How To Remove Your Name And Number From Truecaller : Namaskar dosto, toh dosto truecaller ke baare mein toh aap sab jante hi honge aur aap ise use bhi karte honge truecaller ko use karna bahut aasan hai agar aap ise use nahi karte hai toh hum aapko aaj iske baare mein batayenge. Truecaller ka kaam hota hai ki agar aapko kabhi anjaan number se call aata hai toh truecaller us anjaan number ki pehchan karke aapko uske baare mein bata deta hai ki call kisne kiya hai aur yeh number kiska hai. Truecaller smartphones ke address book ke jariye sabhi users ki contact details tayar karta hai. Aap me se bahut saare log truecaller ka use karte honge aur bahut saare nahi karte honge toh jo log nahi karte hai phir bhi unke number ki details truecaller ke database mein ho sakti hai. Kyunki kya hota hai ki aapka number shayad pehle koi use kar raha ho aur usne truecaller ka use kiya ho.

Remove Your Name And Number From Truecaller


Truecaller aapko fixed line phone ke address ko bhi batata hai kabhi kabhi kya hota hai ki kisi telemarketer ya phir spam call aata hai toh aapko pareshaan hone ki jarurat nahi hai. Lekin aisa toh koi bhi nahi chahega ki kisi anjaan ko aapke ghar ka address mil jaaye aur woh bhi sirf isliye kyunki usne aapko call kiya ho. Truecaller ke paas saari jankari public data store se hi aati hai aur aisa isliye kyunki shayad kisi insaan ko aapka landline number pata ho iske alawa yeh bhi ho sakta hai ki public place mein maujood phonebook ke register kiye hue address ke baare mein pata karle ya google par aapke landline number ko search karke aapke address ke baare mein pata karle. Ab aap yahi sochenge ki hamara number truecaller ke database mein nahi hona chahiye. Agar aap truecaller ka use karte hai toh aap kabhi bhi apni jankari truecaller se nahi hata payenge aapko aisa karne ke liye apne truecaller account ko deactivate karna hoga.

Also Read : TrueCaller Kya Hai Or Ye Kaise Kaam Karta Hai

Toh aaiye ab shuru karte hai ki aap kis tarah se truecaller se apne number ko hata sakte hai...!!

Remove Your Name And Number From Truecaller

TrueCaller Account Ko Deactivate Kare


Android users:

1. Truecaller app open kare.
2. Ab upar left corner par 3 lines par click kare.
3. Settings mein jaaye.
4. Ab about mein jaaye.
5. Deactivate account par click karde.

iPhone users:

1. Truecaller app open kare.
2. Upar right corner mein gear icon par click kare.
3. About truecaller mein jaaye.
4. Niche scroll kare.
5. Deactivate truecaller par click karde.

Windows users:

1. Truecaller app open kare.
2. phir niche right corner par 3 dot waale icon par click kare.
3. Settings mein jaaye.
4. Help mein jaaye.
5. Account deactivate karde.

Jab aap truecaller account ko deactivate karde toh uske baad aap truecaller se apne number ko hata sakte hai. Bas kuch simple steps ko aapko follow karna hai.

Also Read : Apne Slow Smartphone Ko Banaye Super Fast

Truecaller Se Apna Number Hataye


1. Sabse pehle toh aapko truecaller website ke unlist page par jaana hai.
2. Ab aapko apna mobile number daalna hai woh bhi country code ke saath.
3. Uske baad aapko number unlist karne ka kaaran batana hai.
4. Verification captcha daale.
5. Aur phir unlist par click karde.

Truecaller aapka number 24 hours mein hata dega aur phir aapka number truecaller par se hat jayega lekin ek baat aapko hum achhi tarah se batana chahenge ki aapne apna number unlist toh kar diya hai aur number hat bhi gaya hai lekin aap ye mat sochna ki truecaller par se aapka number hamesha ke liye hat gaya hai toh aisa bilkul bhi nahi hai abhi toh aapne apna number truecaller se hata diya hai lekin ho sakta hai ki ek saal baad do saal baad aapka number phir se truecaller ke database mein add ho jaaye. Aise mein agar phir se aapka number truecaller par dikhta hai toh aap truecaller se hamesha ke liye apne number ko hatane ke liye maang kar sakte hai.

Toh dosto jaisa ki aapko pata chal hi chuka hoga ki kis tarah se aap truecaller par se apna number hata sakte hai.

Hum aasha karte hai ki aapko hamari yeh post jarur pasand aayi hogi toh ise apne dosto ke saath apne rishtedaaro ke saath jarur share kare....!!

Tags : truecaller se naam kaise change kare , true caller se kaise bache , truecaller se number delete kaise kare , truecaller information in hindi , truecaller se id kaise delete kare , truecaller number search with address , truecaller account kaise delete kare

No comments:

Post a Comment